محمد جالندھری
سورج کی قسم اور اس کی روشنی کی
محمد جالندھری
اور چاند کی جب اس کے پیچھے نکلے
محمد جالندھری
اور دن کی جب اُسے چمکا دے
محمد جالندھری
اور رات کی جب اُسے چھپا لے
محمد جالندھری
اور آسمان کی اور اس ذات کی جس نے اسے بنایا
محمد جالندھری
اور زمین کی اور اس کی جس نے اسے پھیلایا
محمد جالندھری
اور انسان کی اور اس کی جس نے اس (کے اعضا) کو برابر کیا
محمد جالندھری
پھر اس کو بدکاری (سے بچنے) اور پرہیزگاری کرنے کی سمجھ دی
محمد جالندھری
کہ جس نے (اپنے) نفس (یعنی روح) کو پاک رکھا وہ مراد کو پہنچا
محمد جالندھری
اور جس نے اسے خاک میں ملایا وہ خسارے میں رہا
محمد جالندھری
(قوم) ثمود نے اپنی سرکشی کے سبب (پیغمبر کو) جھٹلایا
محمد جالندھری
جب ان میں سے ایک نہایت بدبخت اٹھا
محمد جالندھری
تو خدا کے پیغمبر (صالح) نے ان سے کہا کہ خدا کی اونٹنی اور اس کے پانی پینے کی باری سے عذر کرو
محمد جالندھری
مگر انہوں نے پیغمبر کو جھٹلایا اور اونٹنی کی کونچیں کاٹ دیں تو خدا نے ان کےگناہ کے سبب ان پر عذاب نازل کیا اور سب کو (ہلاک کر کے) برابر کر دیا
محمد جالندھری
اور اس کو ان کے بدلہ لینے کا کچھ بھی ڈر نہیں
