محمد جالندھری
ہم نے نوحؑ کو ان کی قوم کی طرف بھیجا کہ پیشتر اس کے کہ ان پر درد دینے والا عذاب واقع ہو اپنی قوم کو ہدایت کردو
محمد جالندھری
انہوں نے کہا کہ اے قوم! میں تم کو کھلے طور پر نصیحت کرتا ہوں
محمد جالندھری
کہ خدا کی عبات کرو اور اس سے ڈرو اور میرا کہا مانو
محمد جالندھری
وہ تمہارے گناہ بخش دے گا اور (موت کے) وقت مقررہ تک تم کو مہلت عطا کرے گا۔ جب خدا کا مقرر کیا ہوگا وقت آجاتا ہے تو تاخیر نہیں ہوتی۔ کاش تم جانتے ہوتے
محمد جالندھری
جب لوگوں نے نہ مانا تو (نوحؑ نے) خدا سے عرض کی کہ پروردگار میں اپنی قوم کو رات دن بلاتا رہا
محمد جالندھری
لیکن میرے بلانے سے وہ اور زیادہ گزیر کرتے رہے
محمد جالندھری
جب جب میں نے ان کو بلایا کہ (توبہ کریں اور) تو ان کو معاف فرمائے تو انہوں نے اپنے کانوں میں انگلیاں دے لیں اور کپڑے اوڑھ لئے اور اڑ گئے اور اکڑ بیٹھے
محمد جالندھری
پھر میں ان کو کھلے طور پر بھی بلاتا رہا
محمد جالندھری
اور ظاہر اور پوشیدہ ہر طرح سمجھاتا رہا
محمد جالندھری
اور کہا کہ اپنے پروردگار سے معافی مانگو کہ وہ بڑا معاف کرنے والا ہے
محمد جالندھری
وہ تم پر آسمان سے لگاتار مینہ برسائے گا
محمد جالندھری
اور مال اور بیٹوں سے تمہاری مدد فرمائے گا اور تمہیں باغ عطا کرے گا اور ان میں تمہارے لئے نہریں بہا دے گا
محمد جالندھری
تم کو کیا ہوا ہے کہ تم خدا کی عظمت کا اعتقاد نہیں رکھتے
محمد جالندھری
حالانکہ اس نے تم کو طرح طرح (کی حالتوں) کا پیدا کیا ہے
محمد جالندھری
کیا تم نے نہیں دیکھا کہ خدا نے سات آسمان کیسے اوپر تلے بنائے ہیں
محمد جالندھری
اور چاند کو ان میں (زمین کا) نور بنایا ہے اور سورج کو چراغ ٹھہرایا ہے
محمد جالندھری
اور خدا ہی نے تم کو زمین سے پیدا کیا ہے
محمد جالندھری
پھر اسی میں تمہیں لوٹا دے گا اور (اسی سے) تم کو نکال کھڑا کرے گا
محمد جالندھری
اور خدا ہی نے زمین کو تمہارے لئے فرش بنایا
محمد جالندھری
تاکہ اس کے بڑے بڑے کشادہ رستوں میں چلو پھرو