محمد جالندھری
نٓ۔ قلم کی اور جو (اہل قلم) لکھتے ہیں اس کی قسم
محمد جالندھری
کہ (اے محمدﷺ) تم اپنے پروردگار کے فضل سے دیوانے نہیں ہو
محمد جالندھری
اور تمہارے لئے بے انتہا اجر ہے
محمد جالندھری
اور اخلاق تمہارے بہت (عالی) ہیں
محمد جالندھری
سو عنقریب تم بھی دیکھ لو گے اور یہ (کافر) بھی دیکھ لیں گے
محمد جالندھری
کہ تم میں سے کون دیوانہ ہے
محمد جالندھری
تمہارا پروردگار اس کو بھی خوب جانتا ہے جو اس کے رستے سے بھٹک گیا اور ان کو بھی خوب جانتا ہے جو سیدھے راستے پر چل رہے ہیں
محمد جالندھری
تو تم جھٹلانے والوں کا کہا نہ ماننا
محمد جالندھری
یہ لوگ چاہتے ہیں کہ تم نرمی اختیار کرو تو یہ بھی نرم ہوجائیں
محمد جالندھری
اور کسی ایسے شخص کے کہے میں نہ آجانا جو بہت قسمیں کھانے والا ذلیل اوقات ہے
محمد جالندھری
طعن آمیز اشارتیں کرنے والا چغلیاں لئے پھرنے والا
محمد جالندھری
مال میں بخل کرنے والا حد سے بڑھا ہوا بدکار
محمد جالندھری
سخت خو اور اس کے علاوہ بدذات ہے
محمد جالندھری
اس سبب سے کہ مال اور بیٹے رکھتا ہے
محمد جالندھری
جب اس کو ہماری آیتیں پڑھ کر سنائی جاتی ہیں تو کہتا ہے کہ یہ اگلے لوگوں کے افسانے ہیں
محمد جالندھری
ہم عنقریب اس کی ناک پر داغ لگائیں گے
محمد جالندھری
ہم نے ان لوگوں کی اسی طرح آزمائش کی ہے جس طرح باغ والوں کی آزمائش کی تھی۔ جب انہوں نے قسمیں کھا کھا کر کہا کہ صبح ہوتے ہوتے ہم اس کا میوہ توڑ لیں گے
محمد جالندھری
اور انشاء الله نہ کہا
محمد جالندھری
سو وہ ابھی سو ہی رہے تھے کہ تمہارے پروردگار کی طرف سے (راتوں رات) اس پر ایک آفت پھر گئی
محمد جالندھری
تو وہ ایسا ہوگیا جیسے کٹی ہوئی کھیتی